Həniyyənin rəhbərliyi ilə HƏMAS-ın yüksək səviyyəli nümayəndə heyəti İrana səfər edəcək

HƏMAS İslami Müqavimət Hərəkatının üzvü olan məlumatlı mənbə Fələstin İnformasiya Mərkəzinə müsahibəsində bəyan edib ki, bu hərəkatın siyasi ofisinin rəhbəri İsmayıl Həniyyə yüksək rütbəli nümayəndə heyəti ilə birlikdə İrana səfər edəcək və yeni seçilmiş Prezident Məsud Pezeşkiyanın andiçmə mərasimində iştirak edəcək.

İslami Şura Məclisinin Milli Təhlükəsizlik və Xarici Siyasət Komissiyasının üzvü Əlaəddin Bürucerdi andiçmə mərasimi ilə bağlı açıqlamasında deyib: “Ölkəmizin Prezidentinin andiçmə mərasimində 80 ölkədən nümayəndə heyəti, o cümlədən 11 parlament sədri, dörd sədr müavini, dörd baş nazir və iki prezident iştirak edəcək.”